Praqmatizm

Praqmatizm XIX əsrdə yaranmış və zamanla fəlsəfi bir cərəyana çevrilmiş dünyagörüşüdür. Bu yanaşmanın mərkəzində insan dayanır. Praqmatizmə görə, yalnız insana faydalı olan şeylər, həqiqətən, mövcud ola bilər. Əgər bir şey gerçəklikdə mövcud deyilsə, lakin insana faydalıdırsa, o, insan üçün mövcud hesab edilə bilər.

Praqmatistlər üçün tanrının var olub-olmaması o qədər də vacib deyil. Onlar üçün əsas məsələ tanrı ideyasının insana nə qədər faydalı olmasıdır. Əgər bu ideya, həqiqətən, faydalıdırsa, o, mövcud qəbul edilməli və aradan qaldırılmamalıdır.
Praqmatistlər təhsilə fərdi inkişaf vasitəsi kimi baxırlar. Onların fikrincə, insanlar təhsili özlərinə fayda verməsi üçün almalıdır. Təhsilin məqsədi yalnız cəmiyyətin və ya dövlətin inkişafına xidmət etmək olmamalıdır. Bu yanaşma şəraitində həm fərdi, həm də ümumi mənada inkişaf mümkün ola bilər.