Apateizm nədir?
“Tanrının varlığı və ya yoxluğu” mövzusu hələ də müzakirə edilən ən aktual mövzulardan biridir. İnsanlar bu məsələ ətrafında müxtəlif mövqelərdən çıxış edərək öz inanclarını və ideologiyalarını müdafiə edirlər.
Bəzən isə belə bir yanaşmaya da rast gəlinir: Bir şəxs bu mövzuya dair qəti şəkildə: “Vecimə deyil”, – deyə bilər. Bu ifadəni yumşaq şəkildə izah etsək, tanrı anlayışına qarşı biganəlik və ya laqeydlik kimi dəyərləndirmək olar.
Apateizm nədir?
Apateizm həm ateizmin1, həm də teizmin2 iddialarına laqeyd yanaşır. Bu baxışa görə, tanrının varlığının və ya yoxluğunun heç bir əhəmiyyəti yoxdur. Tanrının var olub-olmaması onların həyatında heç nəyi dəyişmir.
Apateistlər üçün bütün dinlər eynidir və heç biri əhəmiyyət daşımır. Bu insanlar tanrı və tanrı ilə bağlı hər şeydən təcrid olaraq öz həyatlarını davam etdirirlər.
1 Tanrıların və ilahi varlıqların mövcudluğuna inanmamaqdır.
2 Bir və ya bir neçə tanrının mövcudluğuna və onların kainata təsir etdiyinə inanmaqdır.
Ülkər Qarayeva